Staatlech Ënnerstëtzung beim Stroumpräis fir Stéit

Aktualiséiert den

Wéinst der geplangter Hausse vun de Stroumpräisser, huet d'Regierung decidéiert de Stroumpräis weider ze subventionéiere fir d'Stéit weider ze entlaaschten. Dat entspriechend Gesetz gesäit heivir eng Enveloppe vun 171 Milliounen Euro vir.

Déi staatlech Contributioun reduzéiert d'Präiserhéijung fir Clientë mat engem Stroumverbrauch vu manner wéi 25.000 kWh pro Joer. Esou kënnt et vum 1. Januar 2025 bis den 31.Dezember 2025 automatesch zu enger Reduktioun vun de Käschte fir all betraffe Clienten.

FAQ

Fir wie gëllt dës Moossnam?

Dës Moossnam gëllt fir all Clienten déi manner wéi 25.000 kWh pro Joer verbrauchen.

Wéi eng Demarchë muss ech ënnerhuelen?

Dës Moossnam gëllt automatesch, Dir braucht näischt ze ënnerhuelen.

Déi staatlech Contributioun gëtt an den Decompten déi d'Clienten ze bezuelen hunn, ugewisen.

Wéi vill Sue kann ech duerch dës staatlech Contributioun spueren?

Beispiller vu Standardclienten op der Grondlag vu ponderéierte Moyennen:

  • Standardwunneng mat engem Verbrauch vun 1.500 kWh pro Joer – Staatlech Contributioun: ongeféier 110€.
  • Standardwunneng mat engem Verbrauch vu 4.000 kWh pro Joer – Staatlech Contributioun: ongeféier 300€.
  • Standard-Eefamilljenhaus – mat Elektroauto an engem Verbrauch vu 7.000 kWh pro Joer – Staatlech Contributioun: ongeféier 520€.
  • Standard-Eefamilljenhaus – (Albau) mat Wäermepompel an engem Verbrauch vun 13.000 kWh pro Joer – Staatlech Contributioun: ongeféier 960€.

Deckt dës staatlech Contributioun och meng Netzkäschten?

Jo, dës Moossnam gëllt fir de globale Stroumpräis, deen de Stroum selwer an d'Netzkäschten ëmfaasst. D'Contributioun wäert de Stroumpräis däitlech reduzéieren.