Staatlech Contributioun beim Stroumpräis fir d'Stéit

Aktualiséiert den

Wéinst der geplangter Hausse vun de Stroumpräisser huet d'Regierung decidéiert, de Stroumpräis weider ze subventionéieren, fir d'Stéit ze entlaaschten. Dat entspriechend Gesetz gesäit heivir eng Enveloppe vun 171 Milliounen Euro vir.

Duerch d'staatlech Contributioun gëtt d'Präiserhéijung fir Clientë mat engem Joresverbrauch vu manner wéi 25.000 kWh reduzéiert. Deemno gëllt vum 1. Januar 2025 bis den 31. Dezember 2025 automatesch eng Reduktioun fir all betraffe Clienten.

FAQ

Fir wie gëllt dës Moossnam?

Dës Moossnam gëllt fir all Clienten, déi manner wéi 25.000 kWh pro Joer verbrauchen.

Wéi eng Demarchë muss ech ënnerhuelen?

Dës Moossnam gëllt automatesch, Dir braucht näischt ze ënnerhuelen.

Déi staatlech Contributioun gëtt an den Decompten déi d'Clienten ze bezuelen hunn, ugewisen.

Wéi vill Sue kann ech pro Joer duerch dës staatlech Contributioun spueren?

Beispiller vu Standardclienten op der Grondlag vu ponderéierte Moyennen:

  • Standardappartement mat engem Verbrauch vun 1.500 kWh pro Joer – Staatlech Contributioun: ongeféier 110€.
  • Standard-Eefamilljenhaus mat engem Verbrauch vu 4.000 kWh pro Joer – Staatlech Contributioun: ongeféier 300€.
  • Standard-Eefamilljenhaus – mat Elektroauto an engem Verbrauch vu 7.000 kWh pro Joer – Staatlech Contributioun: ongeféier 520€.
  • Standard-Eefamilljenhaus – (Albau) mat Wäermepompel an engem Verbrauch vun 13.000 kWh pro Joer – Staatlech Contributioun: ongeféier 960€.

Deckt dës staatlech Contributioun och meng Netzkäschten of?

Jo, dës Moossnam gëllt fir de gesamte Stroumpräis, deen de Stroum selwer an d'Netzkäschten ëmfaasst. D'Contributioun reduzéiert de Stroumpräis däitlech.